في تسريب جديد السيسي يطلب تحصين الجيش خوفا من مصير طنطاوى السيسي: مرسي لم يكن يدرك حجم ووزن الجيش ومبارك كان يفكر سنة قبل صلاة العيد

أذاعت قناة "الجزيرة مباشر مصر" تسريبا جديدا من الحوار الذي أجراه الصحفي ياسر رزق، رئيس تحرير المصري اليوم، مع الفريق أول عبدالفتاح السيسي، والذي طالب بتحصين المؤسسة العسكرية في الدستور القادم لفترة 5-10 سنة، ايا كان انتماء الرئيس القادم. وقال السيسي في التسجيل "إنت النهاردة لما تيجي تقول تحصين المؤسسة العسكرية في الدستور اللي جاي، بتحصنها لأن المؤسسة العسكرية دي كان ليها دور، مين يا ترى هيبقى مدرك إن الدور ده ليه إمتداد لفترة زمنية متقلش عن 5 – 10 سنة على الأقل، خلال المرحلة اللي جاية على الأقل ..مش كدا ولا إيه". وتابع "أيا مين كان اللي هيقود الدولة دي، يعني تيار ديني، ليبرالي، علماني، أيا من كان اللي هيوصل للحكم، عندنا في الجيش القرار بيتاخد بدقة شديدة جدا، الكلمة تتقال، ولا متتقالش، الكلمة في المؤتمر تتقال ولا متتقالش بتتحسب" . وأضاف السيسي لا يمكن في ظل حالة السيولة والرخاوة التي تعيشها الدولة المصرية يبقى أمر المؤسسة العسكرية بإيد أي حد، قائلا" دا يمكن يهدها من غير ما يحس ، وما يقصدش". وأشار السيسي إلى أن الرئيس المعزول محمد مرسي لم يكن يدرك حجم المؤسسة العسكرية ووزنها والا لم يكن يأخذ قرار إقالة طنطاوي وعنان ، قائلا " وأنا أتصور إن هما عدم تقديرهم لرد فعل المؤسسة وحجمها، هو اللي خلالهم خدوا القرار بتاع المجلس الأعلى اللي فات، هما لو كانوا مدركين لوزن وقدرة المؤسسة كان فيه ناس كتير ما تفكرش تعمل كدا.دا غيره كان بياخد قرار يصلي معانا العيد ..ولا ميصليش ..يقعد يدرس فيه طول السنة ..ولا إيه ؟"، في إشارة للرئيس الأسبق حسني مبارك.